‘आमाले सन्तानको खुशीका लागि आफ्नो ज्यान तिलान्जली दिन सक्छिन्’ विश्वव्यापी रुपमा चर्चित यो कथन फेरी एक पटक चर्चा गर्न लाएक हुन्छ। जब, अष्ट्रेलियाकी एक आमाले आफ्नो सन्तान बचाउन एउटा खतरनाक अवस्थालाई पार गर्छिन्। यसै हप्ता अष्ट्रेलियाको क्वीन्सल्याण्डमा एक २३ वर्षिया महिलाले आफ्नो ज्यान धरापमा राखेर आफ्नो ४ महिने शिशु जोगाएकी छन्।

यतिबेला उनको चर्चा विश्वभर भइरहेको छ। उनलाई ‘नायक र आश्चर्य महिला’को उपमा दिइएको छ।

२३ वर्षिया ती आमा थिइन् फियोना सिम्पसन। सिम्पसन आफ्नो शिशु (छोरी) र हजुरआमाको साथमा ‘कफि सप’बाट घर फर्किरहेका थिए। मौसम विग्रिएको थियो। उनले विस्तारै कार चलाइरहेकी थिइन्। केहिबरेमै अवस्था निकै भयानक बन्यो। एका–एक घातक असिना पानी पर्न सुरु भयो। उनले आफ्नो शिशु पछाडी राखेकी थिइन्।

तर जब असिनाले कारका सिसानै फुटाउने अवस्था आयो। सिम्पसन पछाडीको सिटमा हतपत गइन् र आफ्नो शिशुलाई काखमा लिइन्। सोही खबत पछाडीको सिसा फुटाउँदै असिना लगातार बर्सन थाल्यो। बेग्र गतिमा आएको असिनाले सिम्पसन्को शरीरको अवस्था बद्लियो उनी गम्भिर घाइते भइन्। तर शिशुलाई बचाउन उनले कुनै कसर बाँकी राखिनन्।

सिम्पसनले अष्ट्रेलियन ब्रोडकास्टिङ कर्पोरेसनसँग कुरा गर्दै भनिन्, ‘अवस्था निकै भयानक भयो। मैले शिशुलाई बचाउन बाहेक केही सोच्नै सकिन। केही सेकेन्डमात्र ढिलो भएको भए बेग्लै परिणति निम्तने थियो।’ उनले असिना परेको अवस्थामा कहिल्यै कार नचलाउन समेत सबैमा आग्रह गरेकी छन्। एजेन्सी

Loading...